वीरगञ्ज । अत्यधिक गर्मीले पठनपाठनमा समस्या भए पनि पर्सा र बाराका स्थानीय तहले तीन दिन विद्यालय बन्द गर्ने भएका छन् । पर्साको पोखरिया नगरपालिका प्रमुख प्रदुमनप्रसाद चौहानले अत्यधिक गर्मीको कारणले जेठ २८ गतेदेखि ३० गतेसम्मका लागि पालिकाभित्रका सामुदायिक र संस्थागत विद्यालयमा गर्मी बिदा दिने निर्णय गरेको जानकारी दिए । “अत्यधिक गर्मीको
असुरक्षित हुदै तारकेश्वरका सडकहरु
निरन्जन कार्की
2082 Baisakh 14, Sunday १३:५९
46
जनघनत्व तीव्र गतिमा वृद्धि हुँदै जाँदा तारकेश्वर नगरपालिकाका सडकहरू दिनानुदिन असुरक्षित बन्दै गइरहेका छन्। जनसंख्या बढेसँगै सवारी साधनको चापसमेत अत्यधिक बढेको छ, जसले गर्दा ट्राफिक व्यवस्थापनमा समस्या सिर्जना हुनुका साथै सडक दुर्घटनाको घटनामा पनि उल्लेख्य वृद्धि भएको देखिन्छ। अहिलेको अवस्थालाई हेर्दा, ट्राफिक जाम र सडक दुर्घटना दैनिक जीवनको सामान्य समस्या जस्तै भइसकेको छ।
उपत्यका ट्राफिक प्रहरी महाशाखाका तथ्याङ्क अनुसार आर्थिक वर्ष २०८०/०८१ मा मात्र तारकेश्वर क्षेत्रमा जम्मा ७२ वटा सवारी दुर्घटना भएका थिए। ती दुर्घटनाहरूमा दुःखद रूपमा एक बालक सहित तीन जनाले ज्यान गुमाएका थिए भने २१ जना गम्भीर घाइते भई उपचाररत थिए।
तर अवस्था अझ चिन्ताजनक बनाउँदै पछिल्लो आर्थिक वर्ष २०८१ मा, चैत मसान्तसम्म अर्थात ९ महिनाको अवधिमा मात्र दुर्घटनाको संख्या झण्डै दोब्बर वृद्धि भई १३५ पुगेको छ। यस अवधिमा दुःखद रूपमा दुई बालबालिकासहित सात जनाले ज्यान गुमाएका छन् र ३१ जना गम्भीर घाइते भएका छन्।
यी तथ्याङ्कहरूले स्पष्ट देखाउँछ कि तारकेश्वरमा सडक सुरक्षाको अवस्था दिनानुदिन बिग्रँदो क्रममा छ। दुर्घटनामा ज्यान गुमाउने र घाइते हुनेहरुको संख्या बढ्नुले त्यहाँको आधारभूत भौतिक पूर्वाधार, ट्राफिक व्यवस्थापन र जनचेतनाको अभावलाई उजागर गर्छ।
विशेषज्ञहरूका अनुसार तिव्र गति, असन्तुलित शहरीकरण, कमजोर सडक संरचना, ट्राफिक नियमको पालना नगर्ने प्रवृत्ति, र ट्राफिक प्रहरीको सीमित उपस्थिति जस्ता कारणहरू प्रमुख रुपमा दुर्घटनाको वृद्धि हुनुमा योगदानदायी छन्। साथै, सवारी साधनको अनियन्त्रित बढोत्तरी र पार्किङको उचित व्यवस्थापन नहुनु पनि यो समस्याको जड हो।
यदि तत्काल समाधान खोजिएन भने आगामी दिनहरूमा स्थिति झन भयावह बन्ने संकेत देखिन्छ। यसका लागि सडक पूर्वाधार सुदृढीकरण, ट्राफिक नियम पालनामा कडाइ, जनचेतनामूलक कार्यक्रम सञ्चालन, र सवारी चालकहरूको नियमित तालिम तथा परीक्षण जस्ता उपायहरू आवश्यक देखिन्छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
Data is loading...
Loading brands...
Loading footer...
