पाकिस्तानमा मिठाइ बाँडेर र सडकमा नाचगान गर्दै युद्धविरामको खुसीयाली

काठमाडौं।

भारत र पाकिस्तानबीचको लामो सैन्य तनावपछि शनिबार पूर्ण र तत्काल युद्धविरामको घोषणा भएको छ। पाकिस्तानको मुल्तानसहित विभिन्न सहरमा सर्वसाधारणले मिठाइ बाँडेर र सडकमा नाचगान गर्दै खुसीयाली मनाएका छन्।

अमेरिकी राष्ट्रपति डोनाल्ड ट्रम्पले दुवै देशलाई विवेकपूर्ण निर्णय गरेको भन्दै बधाई दिएका छन्। पाकिस्तानका उपप्रधानमन्त्री इशाक दारले युद्धविराम तत्काल लागू हुने जानकारी दिएका छन्। भारतका विदेश सचिव विक्रम मिश्रीले पनि दुबै देशका डीजीएमओबीच सहमति भएको पुष्टि गरेका छन्।

मे १२ मा पुनः वार्ता हुने तय छ। साउदी अरब र टर्कीले पनि वार्ता सफल बनाउन भूमिका खेलेको जनाइएको छ। यसअघि कश्मीरमा भएको आतंकवादी हमलापछि दुवै देशबीच तनाव चर्किएको थियो। पाकिस्तानले युद्धविरामपछि आफ्नो हवाई क्षेत्र पनि पूर्ण रूपमा खुला गरेको छ।