काठमाडौँ ।
तारकेश्वर नगरपालिका वडा नं. ७ स्थित फुटुगं टुसालमा नक्कली कागजात बनाउने गिरोहलाई प्रहरीले पक्राउ गरेकाे छ।
काजिराम खड्काको टहरोमा डेरा गरी बस्ने एक समूहले गैरकानुनी रूपमा नक्कली लाइसेन्स, नागरिकता, राष्ट्रिय परिचयपत्र लगायतका कागजात बनाउँदै आएको गिरोहलाई प्रहरीले पक्राउ गरेकाे हाे ।
अपराध अनुसन्धान महाशाखाबाट खटिएको टोलीले ती मध्ये एक जनालाई पक्राउ गरि अनुसन्धान गरेकाे छ। पक्राउ परेका व्यक्तिको नाम र वतन खुलाइएको छैन। तीन दिन अघिमात्र डेरा बस्न आएका कारण घरबेटीलाई पनि उक्त व्यक्तिहरुको विस्तृत जानकारी नभएको बताइएको छ।
अनुसन्धानपछि पत्राचारमार्फत अन्य विवरण उपलब्ध गराउनेछौं, घटनास्थलमा खटिएका एक अनुसन्धान अधिकृतले जानकारी दिए। प्रहरीले उक्त स्थानबाट कागजात बनाउन प्रयोग हुने उपकरणहरूसमेत बरामद गरेको छ। घटनासम्बन्धी थप अनुसन्धान जारी रहेको जनाइएको छ।