काठमाडौँ, जेठ २२ ।
नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले विश्व वातावरण दिवस–२०८२ को अवसरमा शुभकामना दिँदै नेपालमा प्लास्टिकजन्य प्रदूषणको असर गम्भीर र बहुआयामिक देखिएको बताएका छन।
उनले सहरी क्षेत्रदेखि ग्रामीण बस्तीसम्म प्लास्टिकजन्य फोहोर व्यवस्थापन जटिल चुनौती बनेको र प्लास्टिक प्रदूषणले वातावरणीय सन्तुलन, जनस्वास्थ्य, खाद्य सुरक्षा र जलस्रोतमा दीर्घकालीन असर पुर्याइरहेको बताए।
अध्यक्ष प्रचण्डले वातावरण संरक्षण र जलवायु न्यायका लागि राष्ट्रिय र विश्वव्यापी खबरदारी तथा सक्रियतामा जोड दिँदै निर्णायक कदम नचाले भविष्यका पुस्ताले भयावह परिणाम भोग्नुपर्ने बताएका छन्। उनले प्लास्टिक प्रयोग कम गर्न, पुनःप्रयोग र पुनःचक्रणलाई प्राथमिकता दिन तथा वातावरणमैत्री जीवनशैली अपनाउन सबैलाई आग्रहसमेत गरेका छन् ।