काठमाडौँ, जेठ २७ । खानेपानीमन्त्री प्रदीप यादवले प्रत्येक नेपालीको घरमा शुद्ध खानेपानी पुर्याउन सरकार प्रतिबद्ध रहेको बताएका छन्। झापाको भद्रपुरमा विगत ३० वर्षदेखि बन्द रहेको पृथ्वीनगर खानेपानी आयोजनाको स्वामित्व नेपाल खानेपानी संस्थानलाई हस्तान्तरण गर्ने कार्यक्रममा बोल्दै उनले यस्तो प्रतिबद्धता व्यक्त गरेका हुन्।मन्त्री यादवले आम नागरिकलाई शुद्ध र स्वच्छ पानी उपलब्ध गराउन
गुणस्तरहीन पाउरोटी उत्पादन गर्ने उदयपुर बेकरीलाई १० हजार जरिवाना
सजिलो पत्रिका
2082 Jestha 23, Friday ०५:५८
13
काठमाडौँ, जेठ २३ ।
उदयपुरको त्रियुगा नगरपालिका–५ देउरीमा सञ्चालित एक बेकरी उद्योगलाई मापदण्डविपरीत तथा गुणस्तरहीन उत्पादन गरेको अभियोगमा स्थानीय प्रशासनले १० हजार रुपैयाँ जरिवाना गरेको छ।
जिल्ला प्रशासन कार्यालय, उदयपुरले उदयपुर बेकरी नामक उद्योगले गुणस्तरहीन पाउरोटी उत्पादन गरी उपभोक्ताको स्वास्थ्यमाथि खेलबाड गरेको कसुरमा उक्त जरिवाना गरेको हो।
अनुगमन टोलीले उद्योगको स्थलगत निरीक्षण गर्दा उत्पादन प्रक्रियामा सरसफाइको कमी र गुणस्तरहीन कच्चा पदार्थ प्रयोग भएको पाएको थियो।
प्रमुख जिल्ला अधिकारी प्रेमप्रसाद लुइँटेलका अनुसार, अनुगमन टोलीले तत्काल कारबाही स्वरूप उद्योगलाई १० हजार रुपैयाँ जरिवाना गरेको हो। ‘उद्योगमा सधैँ सरसफाइ कायम राख्न र गुणस्तरयुक्त वस्तुमात्र उत्पादनमा प्रयोग गर्न नसिहतसहित उक्त रकम जरिवाना गराइएको छ’, प्रजिअ लुइँटेलले बताए।
प्रशासनले आगामी दिनमा पनि बजार अनुगमनलाई निरन्तरता दिने र उपभोक्ताको स्वास्थ्यमाथि खेलबाड गर्ने कुनै पनि व्यवसायलाई कारबाहीको दायरामा ल्याउने जनाएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
