काठमाडौँ,जेठ २५। झापाको कमल गाउँपालिकामा गएराति भएको मोटरसाइकल दुर्घटनामा परी सशस्त्र प्रहरी बलका एक नायब निरीक्षक (सई) को मृत्यु भएको छ। पूर्वपश्चिम राजमार्गअन्तर्गत कमल गाउँपालिका–३ सानो केर्खामा भएको दुर्घटनामा इलाममा कार्यरत सई पुरनलाल राजवंशीको ज्यान गएको हो।जिल्ला प्रहरी कार्यालय झापाका अनुसार,बिर्तामोड नगरपालिकाबाट केर्खातर्फ जाँदै गरेको प्र१–०२–००५२प ७०२९ नम्बरको मोटरसाइकल आफैँ अनियन्त्रित
मन्त्रीको निर्देशन: ३० वर्षदेखि बन्द आयोजना तत्काल चलाउनू
सजिलो पत्रिका
2082 Shrawan 27, Tuesday ०२:३३
18
काठमाडौँ, जेठ २७ ।
खानेपानीमन्त्री प्रदीप यादवले प्रत्येक नेपालीको घरमा शुद्ध खानेपानी पुर्याउन सरकार प्रतिबद्ध रहेको बताएका छन्। झापाको भद्रपुरमा विगत ३० वर्षदेखि बन्द रहेको पृथ्वीनगर खानेपानी आयोजनाको स्वामित्व नेपाल खानेपानी संस्थानलाई हस्तान्तरण गर्ने कार्यक्रममा बोल्दै उनले यस्तो प्रतिबद्धता व्यक्त गरेका हुन्।
मन्त्री यादवले आम नागरिकलाई शुद्ध र स्वच्छ पानी उपलब्ध गराउन चापाकल विस्थापित गरी डिप बोरिङमार्फत पानी वितरण गर्ने सरकारको योजना रहेको जानकारी दिए। उनले स्वामित्व हस्तान्तरणसँगै भद्रपुरका जनताले छिट्टै शुद्ध खानेपानी पाउने गरी काम अघि बढाउन मातहतका निकायलाई निर्देशन दिएका छन् । ‘देशभर सतप्रतिशत आधारभूत खानेपानी र ३७ प्रतिशत शुद्ध खानेपानीको पहुँच पुगेको छ,’ मन्त्री यादवले भने, ‘आर्थिक अभावका कारण कुनै पनि आयोजना रोकिने छैन।’
कार्यक्रममा पृथ्वीनगर खानेपानी आयोजनाका सचिव पृथ्वीनारायण कार्कीले पानीमा आइरनको मात्रा अत्यधिक देखिएपछि आयोजना सञ्चालनमा आएको दुई वर्षमै बन्द भएको र विगत ३० वर्षदेखि अलपत्र रहेको बताए । अब खानेपानी संस्थानलाई स्वामित्व हस्तान्तरण गरिएसँगै स्थानीयले शुद्ध पानी पाउनेमा उनले विश्वास व्यक्त गरेका छन्।
संस्थानका महाप्रबन्धक अर्जुनबाबु ढकालका अनुसार यस आयोजनाबाट भद्रपुर नगरपालिकाका वडा नंं.१, २ र ३ का करिब ३ हजार ५ सय घरपरिवार लाभान्वित हुनेछन्। उनले ‘एक घर, एक धारा’ को लक्ष्य पूरा गर्न सबैको सहयोग आवश्यक रहेको बताए।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
