काठमाडौँ, जेठ २७ ।
मधेश प्रदेश सरकारले सन्त कविर दासको जयन्तीको अवसरमा सार्वजनिक बिदा दिने निर्णय गरेको छ। यस वर्ष जेठ २८ गते बुधबार परेको कविर जयन्तीका दिन प्रदेशभरका सरकारी कार्यालय तथा सार्वजनिक संस्थानहरूमा बिदा दिएको छ ।
प्रदेशको गृह, सञ्चार तथा कानून मन्त्रालयले एक सूचना जारी गर्दै बिदाबारे औपचारिक जानकारी दिएको हो। मन्त्रालयका उप-सचिव गणेश नायकद्वारा जारी सूचनामा, प्रदेश सरकारले २०८१ सालका लागि निर्धारण गरेको थप बिदाको सूचीमा कविर दास जयन्ती पनि समावेश भएको उल्लेख छ।

सोही निर्णयअनुसार जेठ २८ गते बुधबार मधेश प्रदेशमा सार्वजनिक बिदा कायम गरिएको सूचनामा जनाइएको छ। यो निर्णयसँगै बुधबार मधेश प्रदेशभित्रका सम्पूर्ण सरकारी कार्यालय, सार्वजनिक संस्थान, तथा शैक्षिक संस्थाहरू बन्द रहनेछन्।