काठमाडौँ । एएफसी एसियन कप छनोटअन्तर्गत तेस्रो चरणको दोस्रो खेलमा नेपाल घरेलु टोली लाओसँग पराजित भएको छ । न्यु लाओस राष्ट्रिय रङ्गशालामा भरखरै सम्पन्न खेलमा लाओसँग नेपाल २–१ गोलअन्तरले पराजित भएको हो । अन्तरराष्ट्रिय फुटबल प्रतियोगितामा नेपाल लाओसँग पहिलो पटक पराजित भएको हो । लाओसको जितमा दामोथ थोङखामसाभाथ र पिटर पान्थावोङले समान
आज विश्वभर अन्तर्राष्ट्रिय खेल दिवस मनाइँदै
सजिलो पत्रिका
2082 Jestha 28, Wednesday ०३:४९
10
काठमाडौँ, जेठ २७ ।
आज विश्वभर अन्तर्राष्ट्रिय खेल दिवस विविध कार्यक्रम गरी मनाइँदैछ। ‘हरेक दिन खेल रोजौँ’ भन्ने नाराका साथ आज विश्वभर अन्तर्राष्ट्रिय खेल दिवस मनाइँदैछ। यस दिवसले खेललाई बालबालिकाको समग्र विकासको आधार स्तम्भका रूपमा स्थापित गर्दै यसको संरक्षण र प्रवर्द्धनमा जोड दिएको छ।
खेललाई केवल मनोरञ्जनको साधन मात्र नभई, सबै उमेर समूहका मानिसहरूलाई जोड्ने साझा भाषाको रूपमा लिइन्छ। यसले सामाजिक समावेशीकरणलाई बढावा दिनुका साथै मानसिक स्वास्थ्यलाई सुदृढ बनाउन महत्वपूर्ण भूमिका खेल्छ।
विशेषगरी बालबालिकाका लागि खेलले सम्बन्ध निर्माण गर्ने, समस्या समाधान गर्ने, र रचनात्मक तथा अन्य विभिन्न सीपहरू विकास गर्न मद्दत गर्दछ। यसै महत्वलाई मनन गर्दै संयुक्त राष्ट्रसङ्घको बालअधिकारसम्बन्धी महासन्धिको धारा ३१ ले खेललाई प्रत्येक बालबालिकाको मौलिक अधिकारको रूपमा प्रत्याभूत गरेको छ।
पछिल्लो समय शिक्षा प्रणालीमा समेत खेलमा आधारित सिकाइ (खेलमूलक शिक्षा) लाई अपनाइएको छ, जसले सिकाइ प्रक्रियालाई थप रोचक र प्रभावकारी बनाएको प्रमाणित भएको छ। यस दिवसका अवसरमा बालबालिकाको जीवनमा खेलको महत्वलाई प्राथमिकता दिन र उनीहरूको खेल्न पाउने अधिकार सुनिश्चित गर्न सबै सरोकारवालाहरूलाई आह्वान गरिएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
Data is loading...
Loading brands...
Loading footer...
