काठमाडौँ, जेठ २७ । धनगढी उपमहानगरपालिकामा लागुऔषध (खैरो हेरोइन) सहित नेपाल प्रहरीका एक जवान पक्राउ परेका छन्। सुदूरपश्चिम प्रदेश प्रहरी कार्यालय, धनगढीमा कार्यरत प्रहरी जवान चिरञ्जीवी विश्वकर्मालाई लागुऔषधसहित मंगलबार पक्राउ गरिएको हो।लागुऔषध नियन्त्रण ब्युरोको धनगढीस्थित शाखा कार्यालय र वडा प्रहरी कार्यालयको संयुक्त टोलीले उनलाई धनगढी उपमहानगरपालिका–२ स्थित प्रदेश प्रहरी कार्यालय बाहिरको
लम्कीचुहामा अटो पल्टिँदा १० महिने बालकको मृत्यु, चालक फरार
सजिलो पत्रिका
2082 Jestha 25, Sunday ०१:४८
40
काठमाडौँ,जेठ २५।
कैलालीको लम्की चुँहा नगरपालिकामा अटोरिक्सा पल्टिँदा १० महिनाका एक बालकको ज्यान गएको छ भने दुई जना घाइते भएका छन्। शनिबार भएको यस दुःखद दुर्घटनामा हजुरबुवाले चलाएको अटोमा सवार नातिको मृत्यु भएको हो।
जिल्ला प्रहरी कार्यालय कैलालीका अनुसार, लम्कीचुहा नगरपालिका-१ भुरुवाको भित्री सडकमा भरत साउँदले चलाइरहेको सुदूरपश्चिम प्रदेश ०१-००१ ह ५१४८ नम्बरको अटो अनियन्त्रित भई पल्टिएको थियो। दुर्घटनामा चालक साउँदकै १० महिने नाति आयुष साउँद गम्भीर घाइते भएका थिए।
घाइते बालकलाई उपचारका लागि टीकापुर अस्पताल पुर्याइए पनि चिकित्सकले साँझ ४:३० बजे मृत घोषणा गरेका थिए। दुर्घटनामा अटोमा सवार ४२ वर्षीय प्रकाश गिरी र १३ वर्षीय टेकराज साउँद पनि घाइते भएका छन्। उनीहरूको लम्कीस्थित लालरत्न अस्पतालमा उपचार भइरहेको प्रहरीले जनाएको छ।
दुर्घटनालगत्तै चालक तथा मृतक बालकका हजुरबुवा भरत साउँद फरार भएका छन्। प्रहरीले अटोलाई नियन्त्रणमा लिएर फरार चालकको खोजी कार्य जारी राखेको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
Data is loading...
Loading brands...
Loading footer...
