काठमाडौँ, जेठ २७ । नेपाल कम्युनिस्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ म्याग्दी नदी तातोपानी कुण्डमा स्नान गरेका छन् । उनले जिल्लाको अन्नपूर्ण गाउँपालिका, म्याग्दीस्थित प्रसिद्ध भुरुङ तातोपानी कुण्डमा स्नान गरे।आफ्नो भ्रमणका क्रममा तातोपानी पुगेका प्रचण्डले कुण्डमा स्नान गर्नुका साथै स्थानीयवासीसँग भेटघाट तथा अन्तर्क्रियासमेत गरेका थिए।अध्यक्ष प्रचण्ड
वन विज्ञान अध्ययन संस्थान नजिकै युवकको शव फेला, हत्याको आशंका
सजिलो पत्रिका
2082 Jestha 26, Monday ०५:५३
37
काठमाडौँ, जेठ २६ ।
पोखरामा सोमबार बिहान एक युवकको बीभत्स हत्या भएको छ । पोखरा महानगरपालिका–१५ स्थित वन विज्ञान अध्ययन संस्थान नजिकैको सडकमा उनको शव फेला परेको हो ।
बिहान स्थानीयले बीच सडकमा रगतले लतपतिएको अवस्थामा शव देखेपछि प्रहरीलाई खबर गरेका थिए । मृतकको अनुहार र शरीरका विभिन्न भागमा गहिरो चोटपटक देखिएको छ । घटनास्थलमा शवसँगै एउटा हथौडा पनि भेटिएकाले हत्या नै भएको प्रहरीले पुष्टि गरेको छ ।
"बीच सडकमा उत्तानो परेको शव हेर्दा हथौडा प्रहार गरेर हत्या भएको देखिन्छ," जिल्ला प्रहरी कार्यालय कास्कीका प्रवक्ता डीएसपी हरिबहादुर बस्नेतले भने, "घटनास्थलमा हथौडा भेटिएको छ, तर मृतकको पहिचान खुल्ने कुनै पनि कागजात फेला परेन ।"
मृतकको पहिचान नखुल्नु र स्थानीयले पनि नचिनेका कारण अनुसन्धानमा कठिनाइ भइरहेको प्रहरीले जनाएको छ । डीएसपी बस्नेतका अनुसार, घटनाको अनुसन्धानका लागि तालिमप्राप्त कुकुरसमेत परिचालन गरिएको छ, तर घटना अझै रहस्यमय देखिएको छ ।
प्रहरीलाई बिहान ५ बजेतिर शव भेटिएको सूचना आएको थियो । स्थानीयका अनुसार राति करिब साढे १/२ बजेसम्म सडकमा मानिसहरूको आवतजावत हुँदा केही देखिएको थिएन । त्यसैले, घटना बिहान ४ देखि साढे ४ बजेको बीचमा भएको हुन सक्ने प्रहरीको प्रारम्भिक अनुमान छ ।
प्रहरीले शवलाई पोस्टमार्टमका लागि पठाएको छ । पोस्टमार्टम रिपोर्टपछि मृत्युको कारण र समयबारे थप जानकारी खुल्ने प्रहरीले विश्वास लिएको छ ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
Data is loading...
Loading brands...
Loading footer...
