वीरगञ्ज । अत्यधिक गर्मीले पठनपाठनमा समस्या भए पनि पर्सा र बाराका स्थानीय तहले तीन दिन विद्यालय बन्द गर्ने भएका छन् । पर्साको पोखरिया नगरपालिका प्रमुख प्रदुमनप्रसाद चौहानले अत्यधिक गर्मीको कारणले जेठ २८ गतेदेखि ३० गतेसम्मका लागि पालिकाभित्रका सामुदायिक र संस्थागत विद्यालयमा गर्मी बिदा दिने निर्णय गरेको जानकारी दिए । “अत्यधिक गर्मीको
सप्तरीमा डाका समूहको आतंकः घरधनीको हत्या, लाखौंको लुटपाट
सजिलो पत्रिका
2082 Jestha 23, Friday ०३:०५
19
काठमाडौँ, जेठ २३ ।
सप्तरीको सुरुङ्गा नगरपालिका-८, मल्हनमा बुधबार राति डाकाहरूको समूहले एक घरमा लुटपाट गर्नुका साथै घरधनीको हत्या गरेको छ। आक्रमणमा परी मृतकका भाइ गम्भीर घाइते भएका छन्।
जिल्ला प्रहरी कार्यालय, सप्तरीका अनुसार राति करिब १ बजे ५ देखि ७ जनाको संख्यामा आएको हतियारधारी डाकाको समूहले स्थानीय कन्तलाल चौधरीको घरमा आक्रमण गरेको थियो। डाकाहरूको आक्रमणबाट घरधनी चौधरीको घटनास्थलमै मृत्यु भएको प्रहरी निरीक्षक विरेन्द्र यादवले जानकारी दिए। उनका अनुसार डाकाहरूले धारिलो हतियार प्रयोग गरी चौधरीको हत्या गरेका थिए।
आक्रमणमा परी मृतकका भाइ रमाकान्त चौधरी घाइते भएका छन्। उनको हाल सिरहाको लहानस्थित प्रादेशिक अस्पतालमा उपचार भइरहेको छ।
प्रहरी निरीक्षक यादवका अनुसार, डाका समूहले चौधरीको घरबाट करिब ५ तोला सुन, २ केजी चाँदी र नगद ६० हजार रुपैयाँ लुटेर लगेको प्रारम्भिक अनुसन्धानबाट खुलेको छ।
घटनाको जानकारी पाउनसाथ नेपाल प्रहरी टोली घटनास्थल पुगेको थियो। प्रहरीले घटनाबारे थप अनुसन्धान थालेको छ र आक्रमणमा संलग्न डाकाहरूको खोजी कार्यलाई तीव्रता दिएको जनाएको छ। मध्यरातमा भएको यो हिंसात्मक घटनाले स्थानीय त्रसित बनेका छन्।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
Data is loading...
Loading brands...
Loading footer...
