काठमाडौँ। प्रधानमन्त्री खड्गप्रसाद शर्मा ओली र नेपाली काँग्रेस सभापतिशेर बहादुर देउबाबीच एक्लाएक्लै भेटवार्ता भएको छ ।
भिजिट भिसा प्रकरणमा गृहमन्त्री रमेश लेखकको नाम जोडिएपछि त्यसबारे निर्णय गर्न ओली र देउवा एक्लाएक्लै छलफलमा जुटेका हुन् ।
यसअघि च्यासलमा नेपाल कम्युनिष्ट पार्टी (यू.एम.एल.)लेको सचिवालय बैठक सकिएलगत्तै बालुवाटारमा दुई सत्तारुढ दलका नेताबीच छलफल भएको थियो । त्यस लगत्तै ओली र देउवाबीच एक्ला एक्लै वार्ता भएको हो ।
यो बैठकमा भिजिट भिसा प्रकरणमा आफूले खटाएका कर्मचारी र सचिवालयकै सदस्यसमेत मुछिएपछि विवादमा परेका गृहमन्त्री रमेश लेखक पनि सहभागी छन् ।
मन्त्री लेखक भिजिट भिसा सेटिङमा मुछिँदा सरकारलाई घेराबन्दी भइरहेको छ र लेखकको राजीनामा मागिएको छ तर उनले कर्मचारीबाट बदमासी हुँदैमा राजीनामा नदिने अडान लिएका छन् ।